Punto e a capo: storia antica

guardate un pò cosa ci ha fatto avere Cristiano Bruccoleri...praticamente si scopre che Agrigento Punto e a Capo esiste da anni addirittura dal 1973 come dice il suo grande genitore ed amico che non è più con noi...in buona sostanza possiamo affermare che siamo Punto e a Capo da sempre

Agrigento punto e a capo


(di Beppe Roberlucci)

Girgenti di Sicilia è ‘na vecchia citati,

scassati avi li mura, cadenti avi li tetti;

su chini di pirtusa e di fussuna i strati,

china di petri rutti…chiamati antichitati.

Avi lu Municipiu..senza amministrazioni;

avi l’Enti Provincia..quannu ccè l’elezioni!

Nun avi inveci a nuddru si cc’è di travagliari,

si c’è di dari l’acqua, o munnizza a livari.

Avi sei pezzi grossi all’Enti Regionali,

e dui cchiù grossi ancora o Guvernu naziunali.

Ma chisti su persuni cu tantu d’impurtanza

ca sunnu bravi sulu a inghisi la panza.

Lassanu stu paisi sempri mezzu la merda..

mentri pi l’elezioni firrianu comu a Cerda,

promettinu travagghiu pi tanti miliardi…

e quannu sunnu eletti..saluti, Garibaldi!

Quannu su iunti a Roma a fari i deputati

vannu circannu sulu li Segretariati.

Si scordanu di daricci zoccu ni promitteru

lu iornu di lu votu. Ma quannu si nni ieru

soccu ci pridicavanu, di supra lu balcuni,

ristà mpintu ni l’aria suspisu ad angiluni!...

Pi tantu la citati resta cu la spiranza

ca a chisti abbuttatizzi ci scuppiassi la panza.

Poesia pubblicata sul Giornale Indipendente “La Scopa” di Agrigento il 22/9/1973.

Abbiamo appreso, dal ns. amico Cristiano, che dietro la falsa identità di questo Beppe Roberlucci, si celava in realtà suo padre, un grande e compianto agrigentino DOC conosciutissimo in città: Giuseppe Bruccoleri.