Arco Calafato

Se quest’arco putissi parlari,

Quanti cosi n’avissi a cuntari:

La gioia e lu duluri ni l’occhi di la genti

Sutta a iddu gran signura e gran fetenti.

Granni e picciliddi passaru

E i picciliddi granni addivintaru.

Ci fu Adamu lu primu giurgintanu

Ca taliava na picciotta da luntanu

Un giornu ci spiò comu si chiamava

Idda arrussicà e ci dissi: “Ava”

Ava, comu la Gardner du cinemà

Ca tantu ci piaceva a so papà!

E st’arcu vitti tuttu l’amuri

Di ddi du carusi, a tutti l’uri

Quannu Adumu s’arricugliva di la campagna

Ava si truvava nà cumpagna

Pì fari du passi dintra e fora

di parlari cu Adanu un vidiva l’ora

Nà parola sula e arussichiava

E ad Adamu u pettu ci gunchiava

Si vittiru oi e pò dumani e sa chi ti dicu?

E si ficiru i ficu!

Adumu s’arricampò nà seratina

Cu la scusa di na visita a vicina

Ava era doccu e iddu nenti fici?

Sa pigliò d’incoddu e sinni fueru in bici!

Quannu turnaru da maritu e mugghieri

S’arrisbigliò tuttu u quartieri!

U patri di Ava ci detti na gargiata

E po’ si sinti na vasata

Di figghi arricriaru a casa:

un trenu di niputi vasa vasa!

Ad unu ad unu si pigliaru u trenu

Pi truvari pani, ca cca ti fannu fari vilenu!

C’è picca genti ora, a vita è dura

Passanu picciutteddi di tutti i culura

E l’arcu? Ancora ‘mpedi talia cu passa

E misu malamenti, parissi ca nni lassa

Iddu un si lamenta e sta mutu

Vinniru cu du ligna pi farici un tabutu

U tempu passa e i ligni unnu tennu cchiù

Ci volissi cu teni a iddi! L’ha vistu stu sinnacu, tu?

Picciò aiutamulu, adduamu i luci!

Qarchidunu si fa u segnu di la cruci!

Salva st’arcu si vo beni a Girgenti

Cu fa diperdiri u so passatu un capisci nenti!

Video

Video
Ad Aprile 2013 abbiamo manifestato accanto all'arco con una azione provocatoria:

Abbiamo portato anche il sindaco a constatare lo stato del luogo e del monumento:, era il 29 Aprile 2013